Ágúst Gylfason þjálfari Gróttu
„Þetta var mjög erfitt, það er alltaf erfitt að tapa 6-0, sem betur fer gerir maður það ekki á hverjum degi, við gáfum þeim þetta auðveldlega fannst mér. Þegar þeir skoruðu fyrsta markið áttum við að vera búnir að skora tvö en Valsmenn eru með gæði og refsa, þegar þeir finna smjörþefin af mörkum, þá nýta þeir sér það." voru fyrstu viðbrögð Ágúst Gylfasonar þjálfara Gróttu.
Lestu um leikinn: Valur 6 - 0 Grótta
Gróttumenn byrjuðu leikinn gríðarlega vel og hefðu mátt komast yfir í leiknum en síðan sýna Valsmenn gæði sín og kláruðu leikinn í fyrri hálfleiknum.
„Það var mikill kraftur allan leikinn, við slökum á í nokkur móment, ég mundi segja sex móment og þeir skora sex mörk."
Hvernig horfir framhaldið við Ágústi Gylfasyni.
„Erfitt auðvitað og við þurfum að koma einbeittir í það og gefa allt í þessa leiki sem eftir eru. Smá landsleikjapása núna og ég vona að Íslenskaliðið komist áfram og spili úrslitaleik."
Viðtalið í heild sinni má sjá í sjónvarpinu hér að ofan.
Athugasemdir
