Erling Braut Haaland skoraði tvö mörk fyrir Dortmund í 3-0 sigri á Club Brugge í Meistaradeildinni í kvöld. Thorgan Hazard skoraði þriðja markið.

Haaland var að skora sitt fimmta og sjötta mark gegn belgísku liði á ferlinum og var í viðtali eftir leik sem sýnt var á CBSSports.

Haaland er oft á tíðum stuttorður í svörum og í kvöld fékk hann nokkrar spurningar þar sem svörin voru í styttri kantinum. Hann var spurður út í gott gengi gegn belgískum liðum og sagði einfaldlega að sér hefði gengið vel gegn belgískum liðum.

Lokaspurningarnar voru svo mjög óþægilegar: „Muntu sofa einn í kvöld? Uuuuu... Já."

„Þú tekur ekki kærustu með þér heim, þú skoraðir ekki þrennu."

„Rétt, ég skoraði ekki þrjú," svaraði Haaland.

Spyrjandinn var að reyna koma inn á það að Haaland hefur líkt boltanum, sem leikmaður fær til eignar eftir að hafa skorað þrennu, við kærustu í viðtali fyrr á ferlinum. Það myndaði mjög óþægilega stemningu og viðbrögð þeirra sem voru í setti CBS, þ.a.m. Jamie Carragher, má sjá ásamt viðtalinu hér að neðan.

Carra's reaction at the end 😂 🤣 pic.twitter.com/i1sqyGhRKW

— Champions League on CBS Sports (@UCLonCBSSports) November 4, 2020

Viðtal við Haaland eftir þrennu með Salzburg:

✅ Dreierpack
✅ Sager der Saison
✅ Girlfriend#Haaland #SkyBuliAT #RBSWAC pic.twitter.com/FTauniKzTI

— Sky Sport Austria (@SkySportAustria) August 10, 2019