Sterkust í 20. umferð - Ekki sjálfgefið að vera eins og hún

„Bríet var frábær í dag. Það er afskaplega mikið spunnið í þennan leikmann. Hún skoraði þrjú lagleg mörk og ógnaði vörn Stjörnunnar sífellt með hraða sínum og tækni. Hún er aðeins 16 ár gömul," skrifaði Helgi Inguson í skýrslu sinni frá leiknum.

Hann ræddi einnig við Bríeti að leik loknum.

„Ég er mjög sátt með eigin frammistöðu. Ég fann það fyrir leik að ég væri að fara að skora. Svo þegar ég var komin með eitt gat ég ekki hætt, ég þurfti að ná þrennunni," sagði Bríet eftir leik.

Jóhann Kristinn Gunnarsson, þjálfari Þróttar, hrósaði henni einnig í hástert en hann þjálfaði hana líka í Þór/KA áður en kom í Þrótt fyrr í sumar.

„Bríet er bara mögnuð, hún er frábær fótboltakona. Þrátt fyrir aldur og allt það, það skiptir engu máli. Hún er að standa sig mjög vel. Hún er líka mjög jarðbundin og veit alveg að það þarf að hafa fyrir þessu, það er ekki sjálfgefið að vera eins og hún er," sagði Jóhann Kristinn.