Byrjunarlið HK og Víkings: Pálmi Rafn byrjar í marki Víkinga

HK mætti Vestra í síðustu umferð í deildinni þar sem Vestri hafði betur 1-0. Ómar Ingi þjálfari HK gerir tvær breytingar á liði sínu frá þeim leik. Kristján Snær og Atli Hrafn koma inn í byrjunarliðið í stað Tuma Þorvarssonar og Ívars Arnar sem meiddist á hné í leiknum gegn Vestra og er því utan hóps í dag.

Víkingur R. mætti KA í síðustu umferð, Víkingar unnu þann leik 4-2 en Arnar Gunnlaugs gerir 5 breytingar á byrjunarliði Víkings frá þeim leik. Ari Sigurpáls, Aron Elís, Halldór Smári og fyrirliðinn Nikolaj Hansen fara úr byrjunarliði Víkings. Í stað þeirra koma þeir Oliver Ekroth, Matti Villa, Helgi Guðjóns og Valdimar Þór.
Einnig gera Víkingar markmannsbreytingu en Pálmi Rafn fer í búrið í stað Ingvars Jónssonar sem tekur sér sæti á tréverkinu.

Byrjunarliðin má sjá í heild sinni hér að neðan.