2. deild kvenna: KH komið á blað

KH og Völsungur áttust við í 2. deild kvenna á Valsvelli í gær.

KH var á botninum án stiga fyrir leikinn en Völsungur var með sex stig eftir fjórar umferðir.

KH náði 2-0 forystu en Völsungur svaraði því með því að skora þrjú mörk í röð á níu mínútna kafla og ná forystunni.

Þegar skammt var til leiksloka náði KH hins vegar að jafna metin og tryggja sér fyrsta stigið sitt í deildinni og klifra upp um tvö sæti.