Lestu um leikinn: Ægir 0 - 3 Leiknir R.
Leikurinn var jafn framan af og hvorugt liðið skapaði sér færi, en Leiknismenn kláruðu leikinn seint í síðari hálfleik.
„Tap er aldrei gott, en þetta var ósanngjarnt. Við höfðum ekki orku.´´ sagði Nenad, þjálfari Ægis eftir leik við fréttamann Fótbolti.net.
„Byrjunin var slök fyrstu 15 mínúturnar, við vorum ekki við sjálfir, við vorum bara ekki tilbúnir. Svo lagaðist það kannski undir lok fyrri hálfleiks en þegar svona hlutir gerast þá er það þannig að allt liðið spilar illa og leikmennirnir sem koma inná spila líka illa. Það eru auðvitað mistök og þá hef ég gert eitthvað rangt. Ég veit ekki hvort það er álagsstjórnun eða eitthvað annað, en það er klárlega mín ábyrgð.´´ sagði þjálfarinn svekktur.
Leiknir skoraði þrjú mörk á níu mínútum og tók yfir leikinn um tíma. Ægismenn áttu engin svör.
„Staðan var 3–0, kannski verðskuldað, kannski of mikið, ég veit það ekki, en við sköpuðum okkur alls ekki mikið. Ég held að við höfum ekki sótt eins og við höfðum ætlað og vorum of kyrrstæðir framarlega á vellinum. Það var eitthvað sem vantaði svo sannarlega. Varnarleikurinn var fínn þangað til við fengum á okkur fyrsta markið, en þá hætti liðið bara að berjast. Menn hættu að trúa eftir þetta eina mark.´´
