Schmeichel kominn til Anderlecht (Staðfest)

Schmeichel er 36 ára gamall og vann sér það helst til frægðar að hampa enska úrvalsdeildartitlinum sem leikmaður Leicester City.

Hann spilaði 479 leiki á ellefu árum hjá Leicester áður en hann skipti til Nice í fyrra, en Marcin Bulka sem var varamarkvörður liðsins á síðustu leiktíð tekur við keflinu.

Schmeichel á 93 landsleiki fyrir Danmörku og er enn aðalmarkvörður landsliðsins þrátt fyrir hækkandi aldur. Hjá Anderlecht mun hann berjast við Maxime Dupé um byrjunarliðssæti. Dupe er þrítugur Frakki sem kom á frjálsri sölu frá Toulouse fyrr í sumar.

Schmeichel gerir eins árs samning við Anderlecht með möguleika á auka ári.