Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 05. október 2020 14:21
Ívan Guðjón Baldursson
PSG fær Danilo Pereira frá Porto (Staðfest)
Mynd: Getty Images
Portúgalski landsliðsmaðurinn Danilo Pereira mun spila fyrir PSG á lánssamningi út tímabilið.

Frakklandsmeistararnir borga 4 milljónir evra fyrir lánssamninginn og geta svo fest kaup á Pereira fyrir 16 milljónir í viðbót ef þeim lýst á leikmanninn.

Pereira er djúpur miðjumaður sem hefur spilað rúmlega 200 leiki á fimm árum hjá Porto. Auk þess á hann 39 leiki að baki fyrir Evrópumeistara Portúgal.

Pereira, sem er 29 ára gamall, mun berjast við menn á borð við Idrissa Gana Gueye og Ander Herrera um byrjunarliðssæti.

PSG er búið að krækja í Alessandro Florenzi og Moise Kean á lánssamningum í sumar. Þá festi félagið kaup á Mauro Icardi frá Inter og Sergio Rico, markverði Sevilla.


Athugasemdir
banner
banner
banner
banner