Napoli er búið að tryggja sér franska miðjumanninn Tiemoue Bakayoko á lánssamningi frá Chelsea.
Bakayoko var eftirsóttur af PSG og AC Milan í sumar en endaði að lokum hjá Napoli þar sem hann endursameinast fyrrum þjálfara sínum hjá Milan, Gennaro Gattuso.
Bakayoko er 26 ára gamall og á tvö ár eftir af samningi sínum við Chelsea. Hann kostaði um 40 milljónir punda þegar hann gekk í raðir félagsins fyrir þremur árum og varð um leið næstdýrasti leikmaður í sögu Chelsea, sem hann er ekki lengur.
Bakayoko gerði garðinn frægan með Mónakó en þessi Frakki á aðeins einn A-landsleik að baki.
Napoli fær engan kaupmöguleika með Bakayoko, sem mun berjast við Stanislav Lobotka og Diego Demme um sæti í byrjunarliðinu. Ítalska félagið greiðir 5 milljónir evra fyrir lánssamninginn.
Benvenuto Tiemoue ! #ADL
— AurelioDeLaurentiis (@ADeLaurentiis) October 5, 2020
🤝 | #Bakayoko è un nuovo calciatore azzurro
— Official SSC Napoli (@sscnapoli) October 5, 2020
👉 https://t.co/LWdSchIWSi
Benvenuto @TimoeB08 👋
💙 #ForzaNapoliSempre pic.twitter.com/2TuUm0iVMW
Athugasemdir