„Danna þarf ekki að kynna fyrir KA-fólki enda uppalinn á KA-vellinum og verður virkilega gaman að fá hann aftur heim og sjá hann klæðast gulu treyjunni á nýjan leik," segir í tilkynningu frá KA.

Daníel spilaði 45 leiki í deild og bikar fyrir KA, og skoraði í þeim fimm mörk, áður en hann til liðs við Helsingborg árið 2019.

Á síðasta tímabili lék hann á láni með FH þar sem hann lék 13 leiki í deild og bikar og skoraði fjögur mörk.

„Daníel hefur spilað 19 landsleiki með yngri landsliðum Íslands og verður frábær viðbót við okkar lið. KA náði samkomulagi við Helsingborg um félagaskipti Daníels heim í KA og er hann væntanlegur norður á Akureyri strax á mánudaginn," segir jafnframt í tilkynningu KA.

KA hefur líka fengið tvo belgíska leikmenn til sín; bakvörðinn Jonathan Hendrickx og miðjumanninn Sebastiaan Brebels.