mán 06. apríl 2020 10:15
Elvar Geir Magnússon
Barcelona og PSG vilja fá Willian
Willian.
Willian.
Mynd: Getty Images
Risafélögin Barcelona og PSG vilja fá Brasilíumanninn Willian en samningur hans við Chelsea rennur út í sumar.

Willian, sem er 31 árs, hefur verið á Stamford Bridge síðan 2013 en nú bendir allt til þess að hann færi sig um set.

PSG telur að fjölhæfni Willian myndi henta liðinu frábærlega.

Willian segir að Chelsea hafi boðið sér tveggja ára samning en hann sjálfur hafi beðið um þriggja ára samning. Viðræðum hafi þá verið hætt.

„Ég væri helst til í að vera áfram í ensku úrvalsdeildinni en ég útiloka ekkert. Sjáum hvað gerist í sumar," segir Willian.
Athugasemdir
banner
banner
banner
banner