Vilhjálmur Alvar dæmir í Krikanum í kvöld

4. umferð Bestu deildar karla hefst í kvöld með leik FH og Vals í Kaplakrika en leikurinn hefst klukkan 18:00. FH hefur þrjú stig eftir þrjár fyrstu umferðirnar á meðan Valur er með fullt hús.

Vilhjálmur Alvar Þórarinsson mun dæma í Krikanum í kvöld en aðstoðardómarar verða þeir Birkir Sigurðarson og Eðvarð Eðvarðsson. Jóhann Ingi Jónsson verður fjórði dómari og formaður dómaranefndar, Halldór Breiðfjörð Jóhannsson, verður eftirlitsmaður.

Á morgun verða fjórir leikir, þar á meðal viðureign tveggja liða sem eru án sigurs; Keflavík og ÍBV. Ívar Orri Kristjánsson dæmir þann mikilvæga leik.