Thibaut Courtois er 100 prósent viss um að Eden Hazard verði áfram hjá félaginu í sumar.
Hazard er orðaður við brottför frá Real en hann hefur ekki staðist væntingar á Spáni síðustu tvö árin.
Chelsea er orðað við Belgann en hann var hjá enska félaginu áður en Real borgaði 100 milljónir evra fyrir leikmanninn.
Courtois telur að Hazard sé ekki á förum en meiðsli hafa sett stórt strik í reikning hans á Santiago Bernabeu.
„Ég er 100 prósent viss um að hann verði áfram. Hann vill ekki færa sig um set," sagði Courtois.
„Það er bara pressan í Madríd sem skrifar um hans vilja til að fara. Hann vill ná að spila meiðslalaus og vinna titla."
Athugasemdir