mán 06. júní 2022 13:00
Guðmundur Aðalsteinn Ásgeirsson
Óskar Smári spáir í áttundu umferð Bestu deildar kvenna
Kjartan Sturluson og Óskar Smári.
Kjartan Sturluson og Óskar Smári.
Mynd: Fótbolti.net - Hafliði Breiðfjörð
Óskar telur að Arna Sif muni skora tvisvar.
Óskar telur að Arna Sif muni skora tvisvar.
Mynd: Fótbolti.net - Hafliði Breiðfjörð
Landsliðsmarkvörðurinn Cecilía Rán Rúnarsdóttir var með þrjá rétta þegar hún spáði í sjöundu umferð Bestu deildar kvenna í síðustu viku.

Núna er ný vika hafin og ný umferð framundan. Óskar Smári Haraldsson, sem þjálfar Fram í 2. deild kvenna, spáir í leikina að þessu sinni.

Stjarnan 2 - 1 Þór/KA (14 í dag)
Stjarnan er heitasta lið deildarinnar með þrjá sigra í síðustu þremur leikjum og munu halda áfram að vinna. Það verður samt erfitt þar sem Þór/KA mun eiga góðan leik og verður sigurmarkið skorað undir blálokin. Stjarnan mun stýra leiknum en skyndisóknir Þór/KA verða stórhættulegar. Sandra María kemur Þór/KA yfir með einstaklingsframtaki af bestu gerð. Sædís Rún mun jafna metin með marki umferðarinnar úr aukaspyrnu. Úlfa Dís mun svo skora sigurmarkið undir lokin eftir undirbúning Gyðu Kristínar.

ÍBV 2 - 0 Keflavík (18 á morgun)
Eftir öfluga byrjun hafa Keflavíkurstúlkur ekki náð í mörg stig. Eitt stig úr síðustu fimm leikjum og sjálfstraustið ekki mikið. ÍBV spilaði hörkuleik í síðustu umferð gegn Val og þær taka 'momentum' með sér til Eyja og sigla öruggum 2-0 sigri. Kristín Erna mun skora bæði mörk ÍBV í leiknum.

KR 1 - 3 Þróttur R. (19:15 á morgun)
Þjálfaraskipti hjá KR og eru Gidzy og Arnar Páll teknir við. Það hefur verið stígandi í KR liðinu og munu þær byrja betur og komast yfir með marki frá Guðmundu Brynju. Nik hefur verið duglegur að breyta um taktík á milli leikja, og mun hann snúa leiknum við með taktískum breytingum. Þróttarakonur munu ganga á lagið og sigla öruggum 1-3 sigri heim í Laugardalinn. Katla, Agnew og Freyja munu sjá um mörkin fyrir Þrótt.

Breiðablik 2 - 2 Selfoss (19:15 á morgun)
Tvö góð lið sem mætast í hörkuleik. Breiðablik mun komast í 2-0 en Selfoss mun ekki gefast upp og mun Brenna setja tvö í seinni hálfleik. Birta Georgs og Anna Petryk skora fyrir Blika.

Valur 4 - 1 Afturelding (20:15 á morgun)
Meiðsli hafa sett stórt strik í reikninginn hjá Mosfellingum þetta árið. Þrátt fyrir það hafa þær borið höfuðið hátt og munu valda Val vandræðum til að byrja með. Afturelding kemst yfir með marki frá Sigrúnu Gunndísi eftir hornspyrnu, en gæðin í liði Valsstúlkna eru mikil og munu þær stjórna öllu inn á vellinum í síðari hálfleik. Arna Sif mun skora tvisvar og heldur áfram að gera sterkt tilkall til landsliðssætis. Ída Marín og Elín Metta sjá svo um hin tvö mörkin. Alexander Aron fær gult á hliðarlínunni fyrir litlar sakir.

Fyrri spámenn:
Cecilía Rán Rúnarsdóttir (3 réttir)
Heimavöllurinn (3 réttir)
Hlín Eiríksdóttir (2 réttir)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner
banner