West Ham að kaupa Downes fyrir 12 milljónir

Downes er 23 ára gamall og var lykilmaður í liði Swansea í Championship deildinni á síðustu leiktíð.

Hann á ellefu leiki að baki fyrir U19 og U20 landslið Englands og var hjá Ipswich Town í fjögur ár áður en hann flutti til Wales.

Hjá Swansea spilaði Downes aftarlega á miðjunni er liðið endaði í 15. sæti með 61 stig.

Það verður áhugavert að sjá hvort Downes takist að stökkva upp í ensku úrvalsdeildina og standa sig gegn þeim allra bestu.