sun 06. september 2020 18:30
Guðmundur Aðalsteinn Ásgeirsson
Marcal frá Lyon til Wolves (Staðfest)
Marcal í leik með Lyon.
Marcal í leik með Lyon.
Mynd: Getty Images
Brasilíski varnarmaðurinn Marcal hefur skrifað undir tveggja ára samning við enska úrvalsdeildarfélagið Wolves.

Hann kemur til félagsins frá Lyon í Frakklandi, en hann tók þátt í því er Lyon komst í undanúrslit Meistaradeildarinnar á síðasta tímabili.

Hinn 31 árs gamli Marcal getur spilað miðvörð og vinstri bakvörð. Hann er annar leikmaðurinn sem félagið fær til sín í sumar eftir að það borgaði metfé fyrir hinn 18 ára gamla Fabio Silva í gær.

Talið er að Wolves borgi Lyon 2 milljónir evra fyrir Marcal.

Úlfarnir höfnuðu í sjöunda sæti ensku úrvalsdeildarinnar á síðasta tímabili.
Athugasemdir
banner
banner
banner