Liverpool fær Haug frá Roma (Staðfest)

Sophie Román Haug er gengin til liðs við félagið eftir aðeins eitt ár hjá AS Roma á Ítalíu. Haug er uppalin hjá Lilleström og hefur skorað 8 mörk í 11 landsleikjum með Noregi.

Hún er 24 ára gömul og er kaupverðið sem Liverpool borgar fyrir hana óuppgefið. Þá er ekki heldur tekið fram hversu langan samning hún gerir við félagið.

„Mér líður eins og þetta sé rétt skref fyrir minn feril, ég er mjög spennt fyrir því að spila fyrir Liverpool. Það er eitthvað stórt í uppbyggingu hérna og ég vil vera partur af því. Þetta er sögufrægt félag með langa sögu og mikinn metnað," sagði Haug við undirskriftina.

„Ég er spennt að spila í einni stærstu deild í heimi. Ég er viss um að við verðum erfiðir andstæðingar í vetur."

Liverpool voru nýliðar í efstu deildinni á síðustu leiktíð og enduðu í sjöunda sæti af tólf - með 23 stig úr 22 leikjum.

Sophie Roman Haug is a Red. ???????? pic.twitter.com/ZCbP4MuZfq

— Liverpool FC Women (@LiverpoolFCW) September 6, 2023