Mirror, einn af þeim fjölmiðlum sem Manchester United hefur sett í bann, hefur sett saman lista með átta stjórum sem Manchester United gæti leitað til ef Erik ten Hag verður rekinn.
Eftir tap gegn Newcastle er liðið í sjöunda sæti úrvalsdeildarinnar, það er þegar fallið úr deildabikarnum og er líklega á útleið úr Meistaradeildinni.
Þetta er versta byrjun United síðan 1973.
Eftir tap gegn Newcastle er liðið í sjöunda sæti úrvalsdeildarinnar, það er þegar fallið úr deildabikarnum og er líklega á útleið úr Meistaradeildinni.
Þetta er versta byrjun United síðan 1973.
Það er leki úr klefanum og talað um óánægju leikmanna. Það eru blikur á lofti um að Erik ten Hag gæti misst starfið bráðlega. En hver tekur þá við?
Julian Nagelsmann - Rétt eins og hjá Manchester United er krísuástand hjá þýska landsliðinu. Nagelsmann er 36 ára og hefur þegar stýrt stærsta félagsliði Þýskalands, Bayern München.
Graham Potter - Sir Jim Ratcliffe er að taka við stjórn á fótboltamálum hjá Manchester United og talað er um að hann ætli að setja traust sitt á heimamenn. Verður Englendingurinn Graham Potter, fyrrum stjóri Chelsea og Brighton, næstur á Old Trafford?
Michael Carrick - Er ekki skylda að vera með fyrrum leikmann á svona lista? Carrick kom Middlesbrough í úrslitakeppni Championship-deildarinnar á síðasta tímabili og er mögulegur framtíðarstjóri United.
Kieran McKenna - Var í þjálfarateyminu hjá Mourinho og Solskjær. Hann kom Ipswich upp úr C-deildinni og er liðið nú í öðru sæti Championship-deildarinnar.
Ange Postecolgou - Ástralski Grikkinn hefur gert fantaflotta hluti með Tottenham. Verkefnið hjá Manchester United er enn stærra og viðameira, en er hann rétti maðurinn?
Roberto De Zerbi - Ítalinn hefur verið að gera frábæra hluti hjá Brighton. Enska félagið er sölufélag og mun ekki standa í vegi fyrir De Zerbi ef hann vill fara.
Francesco Farioli - Einn áhugaverðasti ungi stjóri Evrópuboltans er að gera flotta hluti hjá Nice, félagi í eigu Sir Jim Ratcliffe. Hann var einn af aðstoðarmönnum De Zerbi hjá Benevento og Sassoulo áður en hann varð aðalþjálfari í Tyrklandi. Hann hefur komið Nice upp í annað sæti frönsku deildarinnar.
Ruben Amorim - Stjóri Sporting í Lissabon varð þrívegis portúgalskur meistari sem leikmaður Benfica. Hann stýrði svo Sporting til síns fyrsta meistaratitils í nítján ár og hefur unnið bæði Arsenal og Tottenham í Evrópuleikjum.
Athugasemdir
