Völlurinn var snæviþakinn.
Völlurinn var snæviþakinn.
„Gunnar Oddur er ekki bara góður plötusnúður heldur líka góður dómari.“
Fylkir tryggði sér áfram í 16-liða úrslit Mjólkurbikarsins á fimmtudag. Leikurinn fer í sögubækurnar að því leytinu til að leikurinn fór fram í tveimur mismunandi bæjarfélögum.
Í Bikarmörkum RÚV í gærdag kom fram að það hafi einu sinni gerst áður en var það í viðureign FHL og Hamars árið 2020.
Leikurinn hófst klukkan 14:00 á tekk-vellinum í Árbæ en eftir rúmlega 20 mínútna leik stöðvaði Gunnar Oddur Hafliðason, dómari leiksins, leikinn vegna veðurs. Völlurinn var snæviþakinn og ekki hægt að sjá línurnar á vellinum.
Ákveðið var að spila síðustu 70 mínútur leiksins eða svo í Skessunni í Hafnarfirði, öðru bæjarfélagi, og hófst leikurinn aftur um klukkutíma eftir að hann var stöðvaður í Árbænum.
Fótbolti.net ræddi við Eyþór Wöhler, leikmann Fylkis, um leikinn skrautlega.
Í Bikarmörkum RÚV í gærdag kom fram að það hafi einu sinni gerst áður en var það í viðureign FHL og Hamars árið 2020.
Leikurinn hófst klukkan 14:00 á tekk-vellinum í Árbæ en eftir rúmlega 20 mínútna leik stöðvaði Gunnar Oddur Hafliðason, dómari leiksins, leikinn vegna veðurs. Völlurinn var snæviþakinn og ekki hægt að sjá línurnar á vellinum.
Ákveðið var að spila síðustu 70 mínútur leiksins eða svo í Skessunni í Hafnarfirði, öðru bæjarfélagi, og hófst leikurinn aftur um klukkutíma eftir að hann var stöðvaður í Árbænum.
Fótbolti.net ræddi við Eyþór Wöhler, leikmann Fylkis, um leikinn skrautlega.
Lestu um leikinn: Fylkir 2 - 0 KFA
„Það fór að kyngja snjó eftir að leikurinn byrjaði. Á tuttugustu mínútu var ekki hægt að spila leikinn. Ég veit ekki hvað Jói Kalli hefði gert hefði hann verið þarna. Þá bara ákvað Gunnar Oddur að taka málin í sínar hendur og stoppa leikinn. Sem var alveg rétt, það var ekki fræðilegur að spila þarna og stórhættulegt.
Þetta var eins og að vera á svellinu í Egilshöll. Menn voru að fleygja sér í tæklingar, detta og svona. Það var flott að koma í veg fyrir meiðsli. Þetta hefur gerst einu sinni, tvisvar áður. Ég hef gaman að þessu. Ég vil að við gerum meira af þessu; byrja leikinn í Árbæ og fara í Hafnarfjörðinn. Gunnar Oddur er ekki bara góður plötusnúður heldur líka góður dómari og les leikinn vel. Það ber að hrósa honum líka.“
Íhugaði að kaupa Red Bull
„Ég var að dekra við það að fara inn í Krónuna og kaupa mér Red Bull. Ég veit ekki alveg hvað Heimir Guðjóns hefði sagt hefði ég gert það. Nei nei, við blöstuðum tónlist og keyrðum strax inn í Hafnarfjörð og byrjuðum að hita upp. Versta við þetta var að maður þurfti að hita upp tvisvar. Það var ekki gaman.“
Veðurguðirnir ekki með Fylki í liði
FH gekk af velli í Lengjubikarnum í leik gegn Fylki vegna snjókomu.
„Það þarf að hringja þarna upp eftir í veðurguðina og græja þetta. Vonandi er þessu lokið. Eða að við þurfum að fara byggja höll í Árbæ. Maður er orðinn langþreyttur á einhverjum snjó, það er kominn apríl andskotinn hafi það.“
Viðtalið má sjá í heild sinni í spilaranum hér að ofan.
