Margrét Íris Einarsdóttir verður áfram hjá ÍBV næstu tvö árin eftir að hafa skrifað undir samning við félagið í vikunni.
Margrét Íris er fædd 1999 og hefur í heildina spilað 23 leiki fyrir meistaraflokk ÍBV, þar af spilaði hún átta leiki í Pepsi Max-deildinni í fyrra.
Margrét hefur spilað lítið undanfarin ár vegna meiðsla. Hún virðist vera búin að jafna sig og er hægt að búast við að hún spili stærra hlutverk í ár.
ÍBV náði í átján stig síðasta sumar og endaði fimm stigum fyrir ofan fallsæti. Samkeppnin verður enn harðari í ár og áhugavert að sjá hvernig Eyjastúlkum mun ganga.
Athugasemdir