fös 07. ágúst 2020 10:00
Magnús Már Einarsson
Manchester United til í að hlusta á tilboð í Lingard
Mynd: Getty Images
Manchester United er tilbúið að hlusta á tilboð í Jesse Lingard í sumar en The Guardian segir frá þessu.

Lingard er uppalinn hjá Manchester United en þessi 27 ára gamli leikmaður gæti nú verið á förum.

Manchester United er að reyna að fá Jadon Sancho frá Borussia Dortmund auk þess sem Mason Greenwood hefur tekið fram úr Lingard í röðinni hjá United.

Lingard á ár eftir af samningi sínum við Manchester United en félagið er með klásúlu um að geta framlengt þann samning um eitt ár.

Ole Gunnar Solskjær, stjóri Manchester United, er hins vegar sagður tilbúinn að hlusta á tilboð í Lingard í sumar.
Athugasemdir
banner
banner
banner
banner