Grótta fær Díönu Ástu frá Augnabliki (Staðfest)

Díana er fædd árið 2006 en hún kemur til liðsins frá Augnablik en hún lék 18 leiki og skoraði tvö mörk með Kópavogsliðinu í Lengjudeildinni síðasta sumar.

Hún hefur verið hjá Augnablik undanfarin þrjú ár og spilað 46 leiki og skorað átta mörk.

„Díana er spennandi sóknarsinnaður leikmaður sem er kominn með fína reynslu í Lengjudeildinni. Hún verður frábær viðbót við góðan leikmannahóp Gróttu," sagði Matthías Guðmundsson þjálfari Gróttu.

Grótta hafnaði í 4. sæti í Lengjudeildinni síðasta sumar.