Damir snýr aftur í Breiðablik
Íslandsmeistaratitlinum 2024 fagnað. Damir á að baki sex A-landsleiki.
Mynd: Fótbolti.net - Hafliði Breiðfjörð
Íslandsmeistaratitlinum 2024 fagnað. Damir á að baki sex A-landsleiki.
Mynd: Fótbolti.net - Hafliði Breiðfjörð
Eitt verst geymda leyndarmál síðustu mánuða í íslenska boltanum hefur líklega verið endurkoma Damirs Muminovic til Breiðabliks eftir veruna hjá DPMM á Brúnei.
Damir samdi við félagið á síðasta ári um að leika seinni hlutann af tímabilinu 24/25 með liðinu í singapúrsku deildinni. Þeim hluta lauk í lok síðasta mánaðar þegar liðið tapaði gegn toppliði deildarinnar í undanúrslitum bikarsins.
Damir samdi við félagið á síðasta ári um að leika seinni hlutann af tímabilinu 24/25 með liðinu í singapúrsku deildinni. Þeim hluta lauk í lok síðasta mánaðar þegar liðið tapaði gegn toppliði deildarinnar í undanúrslitum bikarsins.
Samkvæmt heimildum Fótbolta.net hafa Breiðablik og Damir náð samkomulagi um að hann gangi aftur í raðir félagsins og er von á tíðindum frá Breiðabliki á næstunni. Hann fær leikheimild þegar félagaskiptaglugginn opnar þann 17. júlí.
Damir er 35 ára miðvörður sem spilaði með Breiðabliki frá 2014-2024 áður en hann hélt á vit ævintýranna í Asíu. Hann er næst leikjahæsti leikmaður efstu deildar í sögu Breiðabliks, á eftir Andra Rafni Yeoman.
Það gekk ekki frábærlega framan af hjá DPMM eftir komu Damirs en seinni hluta veru hans hjá félaginu gekk liðinu virkilega vel og endaði á miklu skriði í deildinni.
Hann hefur tvisvar sinnum orðið Íslandsmeistari með Blikum og var í lykilhlutverki þegar liðið varð fyrst íslenskra liða til að komast í riðlakeppni í Evrópu.
Damir er 35 ára miðvörður sem spilaði með Breiðabliki frá 2014-2024 áður en hann hélt á vit ævintýranna í Asíu. Hann er næst leikjahæsti leikmaður efstu deildar í sögu Breiðabliks, á eftir Andra Rafni Yeoman.
Það gekk ekki frábærlega framan af hjá DPMM eftir komu Damirs en seinni hluta veru hans hjá félaginu gekk liðinu virkilega vel og endaði á miklu skriði í deildinni.
Hann hefur tvisvar sinnum orðið Íslandsmeistari með Blikum og var í lykilhlutverki þegar liðið varð fyrst íslenskra liða til að komast í riðlakeppni í Evrópu.
