Tveir Stjörnumenn í banni á miðvikudag - Allir leikirnir í beinni

Þrír leikmenn taka út leikbann í 8-liða úrslitum Mjólkurbikarsins; tveir Stjörnumenn og einn Bliki.

Afturelding tekur á móti Stjörnunni á miðvikudagskvöld og verður Stjarnan án þeirra Jóhanns Árna Gunnarsson og Daníels Finns Matthíassonar sem fengu sitt annað gula spjald í keppninni í sigrinum á KR í síðustu umferð.

Viktor Örn Margeirsson verður þá ekki með Breiðabliki gegn Ægi á föstudag þar sem hann fékk að líta rauða spjaldið gegn Þrótti Reykjavík í 16-liða úrslitunum.

Leikirnir í umferðinni verða í beinni á RÚV; einn leikur á aðalrás, einn á RÚV2 og leikir föstudagsins verða á ruv.is.