Sindri mætti á sína fyrstu æfingu hjá ÍBV í dag en Gary Martin, fyrrum liðsfélagi hans hjá Val, sýndi frá því á Instagram.

Hinn 24 ára gamli Sindri var í námi í Bandaríkjunum síðastliðinn vetur en hann hefur byrjað einn leik með Val í Pepsi-Max deildinni í sumar.

Sindri er uppalinn hjá Leikni R. en hann gekk til liðs við Val fyrir sumarið 2016.

Samtals hefur Sindri spilað 44 leiki í Pepsi-deildinni á ferlinum en hann á að baki fimm leiki með U21 árs landsliði Íslands.

Eyjamenn eru í erfiðri stöðu á botni Pepsi Max-deildarinnar en næsti leikur liðsins er gegn FH á heimavelli á laugardaginn.