Belgíski miðjumaðurinn Youri Tielemans er mættur aftur til Leicester frá Mónakó.
Hann var í láni hjá Leicester á seinni hluta síðustu leiktíðar og stóð sig mjög vel. Leicester kaupir hann núna og gerir hann fjögurra ára samning við enska úrvalsdeildarfélagið.
Talið er að Leicester, sem hafnaði í níunda sæti ensku úrvalsdeildarinnar á síðustu leiktíð, borgi 40 milljónir punda fyrir hann og það gerir hann að dýrasta leikmanni í sögu félagsins.
Hann er þriðji leikmaðurinn sem kemur til Leicester í sumar. Félagið hefur nú þegar samið við Ayoze Perez og James Justin.
Tielemans, sem er 23 ára, á 23 landsleiki fyrir Belgíu.
Welcome back, Youri! 🦊
— Leicester City (@LCFC) July 8, 2019
Athugasemdir