Sveinn Aron Guðjohnsen kom ekkert við sögu þegar Spezia tapaði 2-0 gegn Chievo í umspilinu um sæti í ítölsku úrvalsdeildinni á þessu laugardagskvöldi.
Spezia, sem hafnaði í þriðja sæti ítölsku B-deildarinnar, mætti Chievo, liðinu sem hafnaði í sjötta sætinu.
Leikurinn í kvöld fór fram á heimavelli Chievo og byrjaði hann ekki vel fyrir gestina sem voru lentir 2-0 undir þegar tíu mínútur voru liðnar af leiknum.
Spezia náði ekki að svara fyrir það og voru lokatölur 2-0 fyrir Chievo sem er í mjög flottri stöðu fyrir seinni leikinn.
Seinni leikur liðanna fer fram á heimavelli Spezia á þriðjudag. Í hinu undanúrslitaeinvíginu eigast við Frosinone og Pordenone.
Athugasemdir