Real Sociedad var ásamt Barcelona og Real Madrid á toppi spænsku deildarinnar fyrir leik helgarinnar, á heimavelli gegn botnliði Leganes.

Staðan var markalaus eftir fyrri hálfleik þar sem heimamenn voru betri en áttu í erfiðleikum með að finna glufur á vörn gestanna.

Í síðari hálfleik skoraði Mikel Merino, fyrrum leikmaður Newcastle, með skalla eftir hornspyrnu frá Adnan Januzaj, sem var hjá Manchester United.

Gestirnir frá Leganes reyndu að bregðast við og það tókst stundarfjórðungi síðar, þegar marokkóska framherjanum Youssef En Nesyri tókst að jafna með skallamarki eftir fyrirgjöf frá Roque Mesa, fyrrum leikmanni Swansea.

Sociedad er nú á toppinum með eins stigs forystu en Real og Barca eiga tvo leiki inni. Sociedad gæti fallið niður um fimm sæti um helgina. Leganes er aðeins með sex stig eftir þrettán umferðir.