Andy Pew framlengir við Þrótt

Andy Pew aðstoðar Hermann Hreiðarsson með Þrótt og hefur verið á Vogum undanfarin tvö ár. Andy er lykilmaður í liði Þróttar og var valinn í lið ársins í 2. deildinni, þar sem Þróttur var aðeins tveimur stigum frá því að komast upp í Lengjudeildina.

Andy er 39 ára gamall varnarmaður og á vel yfir 200 leiki að baki hér á landi eftir að hafa spilað fyrir Selfoss í sjö ár.

Þróttur fékk 41 stig í 2. deildinni í sumar og endaði í 3. sæti deildarinnar. Er það besti árangur í sögu félagsins frá upphafi.