Karim Benzema meiddist gegn Búlgaríu en verður klár fyrir fyrsta leik á EM
Karim Benzema, framherji Real Madrid og franska landsliðsins, fór meiddur af velli í 3-0 sigri Frakklands gegn Búlgaríu í gær en meiðsli hans eru ekki alvarleg.
Benzema var skipt af velli á 41. mínútu í gær og kom Olivier Giroud inná í hans stað.
Það var talið að Benzema gæti mögulega misst af byrjun Evrópumótsins en svo er ekki. Hann verður klár í fyrsta leik gegn Þýskalandi þann 15. júní.
Giroud nýtti tækifærið sitt vel eftir að hann kom inná en hann gerði tvö mörk fyrir franska liðið og er nú aðeins fimm mörkum frá því að jafna markamet Thierry Henry.
Athugasemdir
