Það eru tveir leikir á dagskrá á Íslandi í dag þar sem Víkingur R. tekur á móti Shamrock Rovers í fyrri leik liðanna í forkeppni Meistaradeildar Evrópu.
Shamrock kemur í heimsókn frá Írlandi en þetta er í fyrsta sinn í sögunni sem liðin mætast.
Shamrock spilaði þó við Breiðablik í fyrra en þá báru Blikar sigur úr býtum bæði á heima- og útivelli.
Leikurinn hefst klukkan 18:45 á Víkingsvelli og hálftíma síðar fer viðureign Kára og Árbæs af stað í Akraneshöllinni.
Kári og Árbær mætast í toppbaráttu 3. deildar, þar sem þrjú stig skilja liðin að í öðru og þriðja sæti deildarinnar.
Forkeppni Meistaradeildarinnar:
18:45 Víkingur R. - Shamrock Rovers (Víkingsvöllur)
3. deild karla:
19:15 Kári - Árbær (Akraneshöllin)
Athugasemdir
