Ítalski þjálfarinn Stefano Pioli er að taka við Milan í Seríu A en ítalskir fjölmiðlar fullyrða það.
Marco GIampaolo var rekinn í gær eftir stutt samstarf með Milan en liðið er aðeins með 9 stig úr fyrstu átta leikjunum.
Baráttan um starfið hefur verið á milli tveggja einstaklinga en það er Stefano Pioli, fyrrum þjálfari Fiorentina og svo Luciano Spalletti, sem hefur þjálfað lið á borð við Inter og Roma.
Spalletti er úr myndinni þar sem hann kemst ekki að samkomulagi við Inter um launagreiðslur. Spalletti var látinn fara frá Inter í maí en hann getur ekki unnið fyrr en hann nær samkomulagi við félagið.
Pioli stendur þá einn eftir og má búast við því að Milan tilkynni hann á næstu dögum.
Athugasemdir