Ítalía: Birkir Bjarna lagði upp og skoraði - Tap hjá Mikael
Mynd: Getty Images
Mynd: Getty Images
Birkir Bjarnason skoraði annan leikinn í röð eftir að hafa komið inn á sem varamaður fyrir Brescia í næst efstu deild á Ítalíu.
Brescia fékk Cosenza í heimsókn en gestirnir voru með 2-0 forystu í hálfleik. Birkir kom inn á strax í upphafi seinni hálfleiks og hann minnkaði muninn og lagði svo upp mark á lokamínútu venjulegs leiktíma.
Crosenza tókst svo að næla í sigurmarkið í uppbótatíma. Hjörtur Hermannsson var ekki í leikmannahópi Carrarese þegar liðið tapaði 2-0 geegn Modena.
Brescia er með 17 stig í 8. sæti eftir 13 umferðir. Carrarese er með 13 stig í 17. sæti.
Mikael Egill Ellertsson var í byrjunarliði Venezia þegar liðið tók á móti Parma í efstu deild. Staðan var 1-1 í hálfleik en Mikael var þá tekinn af velli. Parma tókst að skora sigurmarkið áður en flautað var til leiksloka.
Venezia 1 - 2 Parma
1-0 Hans Nicolussi ('5 )
1-1 Emanuele Valeri ('17 )
1-2 Ange Bonny ('68 )
