Eyjólfur Vilberg Gunnarsson hefur verið ráðinn framkvæmdastjóri ÍA og tekur hann við starfinu af Geir Þorsteinssyni.
„Eyjólfur hefur víðtæka reynslu á sviði stjórnunar, fjármála, reksturs og félagsmála en hann hefur komið að knattspyrnuþjálfun yngri flokka og hefur verið að sækja réttindi sem þjálfari." segir í tilkynningu frá ÍA.
Tilkynningin frá ÍA:
„Eyjólfur starfaði sem sparisjóðsstjóri Suður- Þingeyinga fram undir síðari hluta síðasta árs. Hann þekkir vel til Vesturlands þar sem hann bjó á Hvanneyri og starfaði bæði sem svæðis- og útibússtjóri og forstöðumaður fyrirtækjaviðskipta hjá Arion banka í Borgarnesi á árunum 2009 – 2019."
„Hann og hefur einnig verið í eigin rekstri hjá félagi sínu Krosshús ehf, við ráðgjöf til fyrirtækja um fjármál og fjárfestingar, ásamt sölu og ráðgjöf vegna fasteignaviðskipta."
„Eyjólfur er með M.Sc. gráðu í fjárfestingarstjórnun frá Háskólanum í Reykjavík (2009) auk menntunar í viðskiptafræði frá Háskóla Íslands (2002). Hann hefur auk þess lokið námi til löggildingar fasteigna- og skipasala, skipstjórnarprófi og réttinda vélavarðar smábáta til viðbótar við réttindi til knattspyrnuþjálfunar."
