Harry Kane var stórkostlegur þegar hann var hjá Tottenham en hann er markahæsti leikmaður liðsins frá upphafi. Hann skoraði 280 mörk í 435 leikjum.
Hann gekk til liðs við Bayern síðasta sumar og hefur liðinu vantað markaskorara síðan.
Tottenham staðfesti í dag að Dominic Solanke væri orðinn leikmaður liðsins en hann var frábær hjá Bournemouth á síðustu leiktíð. Tottenham og Bayern áttust við í æfingaleik í dag þar sem Bayern vann 3-2.
Kane ræddi við Sky Sports um Solanke eftir leikinn.
„Hann er frábær leikmaður. Kraftmikill og hraður. Hann fær tækifæri til að skora í þessu liði miðað við hvernig Ange spilar. Þetta eru mjög góð kaup. Ég hitti hann inn í klefa og óskaði honum alls hins besta og vona auðvitað að hann eigi frábært tímabil." sagði Kane.
