Geta þau herjað á toppsætið? - Mikil spenna fyrir stórleik Fram og KR

Hvernig fer leikurinn?
Erfitt er um slíkt að spá. En ef við skoðum niðurstöðu könnunar á forsíðu Fótbolta.net spá 39% sigri Fram, 19% spá jafntefli og 42% spá því að gestirnir úr Vesturbænum fari heim með öll stigin.

Óskar Hrafn Þorvaldsson, þjálfari KR, var spurður að því á dögunum hvað KR þyrfti að gera til að vinna Fram?

„Við þurfum að mæta með alvöru orku og hugrekki og keyra yfir þá. Það er það sem við þurfum að gera," svaraði Óskar.

„Ef allt verður eins og það á að vera verður mikið um mörk og leikurinn algjört augnakonfekt," segir Óðinn Bjarkason, leikmaður Aftureldingar, sem spáir sex marka leik. Fram 2-4 KR.

TENGT EFNI09.08.26 - 11:40

Óðinn Bjarka spáir í 18. umferð Bestu deildarinnar

Bönnin bíta í Fram
Flestir spá markaleik enda er KR jú að fara að spila. Að auki vantar varnarmenn í Framliðið vegna leikbanna. Israel Garcia og Sigurjón Rúnarsson verða báðir í banni og einnig fyrrum leikmaður KR, Ægir Jarl Jónasson. Spennandi verður að sjá hvernig Fram glímir við þessi forföll.

Rúnar Kristinsson, þjálfari Fram, grýtti brúsa í vegg í sigrinum gegn ÍBV í Þjóðhátíðarleiknum á Hásteinsvelli og fékk fyrir það rautt spjald. Það er sjónarsviptir að hafa Rúnar ekki á hliðarlínunni gegn KR í þessum leik í kvöld en aðstoðarmaður hans Helgi Sigurðsson verður með stýrið.

En Kennie Chopart var alveg ákveðinn í að ná þessum leik og hann snýr aftur úr leikbanni og verður með Frömurum í kvöld.

Maðurinn með flautuna

TENGT EFNI09.08.26 - 08:40

Helgi Mikael dæmir stórleik Fram og KR

Sameiginleg byrjunarlið

TENGT EFNI07.08.26 - 14:36

Sameiginlegt byrjunarlið Fram og KR

Upphitanir stuðningsmanna
Framarar verða með pallborðsumræður fyrir leikinn á Lambhagavellinum þar sem Mikel Nikulásson, Bogi Ágústsson, Ríkharður Daðason og Valtýr Björn Valtýsson rýna í leikinn með Gunnari Ormslev.

KR klúbburinn boðar upphitun stuðningsmanna á heimavelli, Rauða ljóninu á Eiðistorgi. Rúta á leikinn leggur af stað í Úlfarsárdalinn 18:20.

Hitað upp í útvarpsþættinum:

TENGT EFNI08.08.26 - 14:31

Útvarpsþátturinn - Stefán Páls og Siggi Raggi

Kastljósið beinist að þessum:

TENGT EFNI10.08.26 - 10:34

Kæmi mjög á óvart ef Fram fengi að njóta krafta hans næsta sumar

TENGT EFNI28.07.26 - 16:17

Bestur í júlí - Átti svo sannarlega skilið að fá þennan lestur frá Óskari

Fyrri leikur liðanna á tímabilinu:
Fyrri leik liðanna lauk með 2-2 jafntefli þar sem Sigurjón Rúnarsson jafnaði metin fyrir Fram í lokin. Sigurjón er í banni í kvöld.

KR 2 - 2 Fram
0-1 Frederico Bello Saraiva ('41 )
1-1 Aron Sigurðarson ('45 )
2-1 Luke Morgan Conrad Rae ('83 )
2-2 Sigurjón Rúnarsson ('90 )
Lestu um leikinn