Leikmenn Úrúgvæ eru enn pirraðir yfir því hvernig þeir féllu úr leik á HM í Katar.
Úrúgvæ vann Gana 2-0 en hefði þurft eitt mark í viðbót til að komast upp úr H-riðlinum.
Leikmenn Úrúgvæ veittust að dómaranum eftir leik en þeir voru ósáttir við að fá ekki vítaspyrnu. Sóknarmaðurinn Edinson Cavani var á meðal þeirra sem sýndu mesta pirringinn. Og hann er enn pirraður, meira en mánuði síðar.
„Þeir verða að setja hann í fangelsi," sagði Cavani í samtali við El Larguero um dómarann Daniel Siebert.
„Ef þeir refsa mér fyrir að sýna tilfinningar því hann dæmdi okkur úr leik, þá verða þeir að setja hann í fangelsi."
Athugasemdir