Man City setur verðmiða á Cancelo - Simons eftirsóttur - Lille hafnar Liverpool
Gunnar: Engin skömm að tapa fyrir Val
Pétur Péturs: Ósáttur með fyrri hálfleikinn
„Farin að sýna okkur það sem ég hef vitað að hún hefur getað síðan hún var 14 ára”
Óli Kristjáns: Þetta voru „freak" mörk
Arnar Grétarsson: Alltof mikið reynt að svindla
Er Valur Arsenal? - „Með svo marga einstaklinga sem geta meitt mann"
Svekktur að tapa leiknum svona - „Once in a lifetime mark“
Skoraði eitt mark sumarsins og hélt hreinu - „Helluð tilfinning“
Mikilvægt að halda í fallegar hefðir - „Mjög stór fígura í sögu Fjölnis“
„Himinlifandi, hamingjusamur og ánægður með sigurinn“
Kristján: Við töpuðum á móti liði sem spilaði miklu betur en við í dag
Sandra María búin að brjóta hundrað marka múrinn í efstu deild
Dragan hélt langa ræðu í klefanum eftir leikinn - „Þetta er bannað"
Virðir stigið á Dalvík - „Fékk högg í kúlurnar og var að drepast"
J. Glenn: Frá okkar bæjardyrum séð leit þetta út eins og víti
Guðni: Held að við séum ekki beint að horfa á toppsætið
Með verk upp í geirvörtur eftir högg í punginn - „Bjóst ekki við króknum"
Halli Hróðmars: ég tel að við séum með hóp sem jafnast á við bestu liðin í deildinni
Anton Ingi: Stelpurnar spila fyrir félagið og Grindavík
Hugsaði um að fara í Breiðablik en fór frekar til Hollands
   lau 11. maí 2024 20:05
Haraldur Örn Haraldsson
Haddi um sögurnar af Viðari: Það er bara mjög ljótt að ljúga upp á fólk
Mynd: Fótbolti.net - Hafliði Breiðfjörð

Hallgrímur Jónasson þjálfari KA var svekktur með úrslit kvöldsins eftir að liðið hans tapaði 3-1 gegn Val á Hlíðarenda.


Lestu um leikinn: Valur 3 -  1 KA

„Nokkuð sanngjarn sigur hjá Val í dag, þeir spiluðu bara aðeins betur en við. Við byrjum aftur á því að fá á okkur mark eftir 3 mínútur, sem var ekki uppleggið. En mér finnst 'momentið' snúast aðeins með okkur. Við förum inn í hálfleik í 1-1 og Stubbur búinn að verja víti. Þannig mér fannst 'momentið' vera með okkur. Síðan fáum við á okkur tvö mörk og við skorum ekki úr okkar færum. Þannig að sanngjarn sigur Vals, þetta var svolítið kaflaskipt hjá okkur."

Samkvæmt ýmsum tölfræði þáttum ætti KA að vera töluvert ofar í töflunni. Staðreyndin er hinsvegar sú að þeir eru í 11. sæti með aðeins 2 stig eftir 6 leiki.

„Þegar gervigreindin er að greina þetta þá eigum við að vera mun ofar með mun fleiri stig og við vitum alveg að frammistaðan á að skila fleiri stigum. Það tökum við með okkur á jákvæðan hátt. Hinsvegar er staðreyndin sú að við erum með 2 stig og við erum bara í botnbaráttu. Það er bara verkefni sem við þurfum að taka smá fagnandi, við höfum bikarinn sem verður vonandi gulrót fyrir okkur í sumar. Við eigum Vestra næst og svo er bara alvöru verkefni í deildinni. Eina leiðin út úr þessu er að leggja sig fram, taka með okkur það sem við erum að gera vel. Við erum að skapa færi, við erum að skora mörk en við fáum alltof mörg mörk á okkur. Þú færð ekki 3 stig eða það þarf eitthvað ótrúlegt á móti Val ef þú færð 3 mörk á þig. Við þurfum fyrst og fremst að minnka mörk fengin á okkur og þá fara stigin að koma.  Ég var að segja við strákana eftir leikinn, við þurfum bara að líta á þetta sem alvöru verkefni, hvað getum við gert til þess að snúa þessu við. Því að við erum svo sannarlega með lið til þess að gera það."

Viðar Örn Kjartansson hefur verið mikið milli tannana hjá fólki í vikunni þar sem hann var ekki í hóp í síðustu umferð. Hann byrjaði leikinn í dag á bekknum og kom inná á 85. mínútu.

„Ég skil ekki hvað fólk fær út úr því að vera koma meða einhverjar sögur og segja ósatt, jafnvel í sjónvarpi. Ég bara átta mig ekki á því. En ég held það dæmi sig bara sjálft, ég held að fólk ætti ekkert að vera leggja það í vanan að vera tala um einhverjar gróusögur, og það er líka bara hægt að hringja og spyrja hvernig staðan er. Það virðist ekki vera gert. Fólk er bara að henda fram einhverjum sögum án þess að svo mikið sem spyrja einn mann út í það." Hallgrímur segir þá að það hefur enginn haft samband við sig, félagið eða Viðar sjálfan varðandi sögusagnirnar. „Þetta er bara mjög ljótt að ljúga upp á fólk. Ein sagan er sú að hann hafi ekki æft á leikdegi. Við erum ekki með æfingu á leikdegi og fyrir utan það að á þessum leikdegi þá var hann ekki í hóp, þannig hann í raun fór og æfði. Ef það hefði verið spurt einhvern KA mann út í þessar sögur þá hefði bara verið hægt að laga þetta bull. En við höldum bara ótrauðir áfram, hann heldur áfram. Hann æfði vel í vikunni og var í hóp í dag og kom inn á. Svo vill ég bara sem minnst vera að tala um þessa hluti, þetta er svona neikvæð athygli sem er óþörf."

Viðtalið má sjá í heild sinni í spilaranum hér fyrir ofan. Þar talar Hallgrímur nánar um Hallgrím Mar, Hans Viktor og stuðningsmenn KA.


Athugasemdir
banner
banner
banner
banner