Bæði Jeffs og Andri eru þeir fyrrum leikmenn ÍBV en þeir voru við stjórnvölinn í síðasta leik gegn KR.

Pedro Hipolito var rekinn frá ÍBV í lok júní en Jeffs var aðstoðarþálfari hans. Andri var í þjálfarateymi ÍBV í fyrra.

Jeffs verður áfram aðstoðarþjálfari íslenska kvennalandsliðsins og fær frí frá ÍBV til að fara í landsliðsverkefni um mánaðarmótin ágúst/september.

Skarast það við heimaleik gegn Val og mun Andri stýra liðinu í leiknum og fá innanbúðar aðstoð til þess.

Daníel Geir Moritz hefur tekið við formennsku í nýju knattspyrnuráði ÍBV og Magnús Sigurðsson hefur bæst við það að auki. Áfram munu Magnús Elíasson, Haraldur Bergvinsson og Guðmundur Ásgeirsson vera í ráðinu og er stefnt að því að fjölga um 1-2 til viðbótar.

Eyjamenn eru í erfiðri stöðu á botni deildarinnar en næsti leikur er gegn FH á heimavelli á laugardaginn.