Hinn 29 ára gamli Florenzi kemur til PSG fyrir eina milljón punda en liðið getur keypt hann á um 9 milljónir punda eftir tímabilið. Florenzi verður númer 24 hjá PSG.

Florenzi er fenginn til þess að fylla í skarð Thomas Meunier en hann gekk í raðir Dortmund í sumar á frjálsri sölu.

„Ég er stoltur og mjög ánægður með að ég sé orðinn leikmaður PSG. Þetta er einn af stærstu klúbbum í heimi og það sást á frammistöðu þeirra í Meistaradeildinni," sagði Florenzi.