Lestu um leikinn: Víkingur Ó. 3 -  5 Grótta

Grótta komst þremur mörkum yfir á fyrsta hálftímanum áður en þeir bættu við fjórða markinu í upphafi þess síðari. Víkingar komu til baka með tveimur mörkum og gáfu Gróttumönnum leik en þeir náðu svo inn fimmta markinu áður en Víkingar gerðu sárabótarmark undir lokin.

„Við ætluðum að spila 3-5-2. Ætluðum að ýta á þá og loka svæðunum þeirra. Við vissum hvernig þeir myndu leggja upp með spilið og töldum okkur vita það og ætluðum að leggja út með öðrum hætti en það gerðist. Fengum á okkur mark eftir fjórar mínútur."

„Það var búið að leggja út hvernig við ættum að verjast hornunum og einhverjir vildu meina að það að Eli hefði verið tæklaður og hann var reyndar tæklaður og vildu fá aukaspyrnu þá það en ef ekkert dæmt þá er ekkert hægt að stoppa það."

„Annað markið er líka mjög barnaleg varnarvinna og við gefum frá okkur mörkin. Þriðja markið er það sama og við skjótum undan okkur fótinn og ef þú ert að spila þannig ef að menn framkvæma varnarvinnuna með þessum hætti þá áttu ekki von á góðu."

„Að sama skapi vorum við með þrjú eða fjögur úrvalsfæri til að skora á hinum endanum og það var sama framkvæmdin þar fyrir framan markið. Það virðist enginn hafa trú á því sem þeir eru að gera og menn missa hausinn alltof fljótt," sagði hann ennfremur.

Guðjón var ósáttur við dómgæsluna í fyrsta og þriðja markinu en hann setur spurningamerki við hvað má og hvað má ekki í Lengjudeildinni.

„Hann er stiginn út og það er ótrúlegt hvað þeim tekst að manna markteiginn og með miklar stympingar án þess að dómarinn skipti sér af því. Það er leyft að hnoðast og keyra í menn þeir sem eru með stöðu en þetta er ekkert annað en aukaspyrna. Það er ásetningur að ryðja manninum í burtu." sagði Guðjón en það má sjá viðtalið í heild sinni hér fyrir neðan.