Kennie Chopart hefur gengið frá nýjum þriggja ára samningi við KR en félagið staðfesti þetta nú rétt í þessu.
Kennie var að verða samningslaus en nú er ljóst að hann verður áfram í Vesturbænum.
Kennie var að verða samningslaus en nú er ljóst að hann verður áfram í Vesturbænum.
Þessi danski bakvörður var að ljúka sínu fimmta tímabili með KR í sumar en hann varð Íslandsmeistari með liðinu í fyrra
Í sumar skoraði hann eitt mark í sextán leikjum í Pepsi Max-deildinni með KR. .
Kennie spilaði áður með Stjörnunni og Fjölni á Íslandi en hann lék sem kantmaður á árum áður.
Það er nóg að gerast í leikmannamálum KR þessa dagana. Fyrr í dag fékk KR framherjann Guðjón Baldvinsson í sínar raðir en um helgina kom Grétar Snær Gunnarsson til félagsins frá Fjölni.
Finnur Orri Margeirsson fór hins vegar frá KR í Breiðablik auk þess sem Pablo Punyed hefur verið orðaður við Víking og Stjörnuna.
Kennie Chopart var að skrifa undir 3 ára samning #allirsemeinn pic.twitter.com/ubPoSa36PT
— KR Reykjavik FC (@KRreykjavik) November 11, 2020
Athugasemdir