Sérfræðingarnir líktu Þorleifi við Heskey

Þorleifur var í Duke háskólanum þar sem hann vakti mikla athygli fyrir frammistöðu sína. Hann skoraði 15 mörk fyrir Duke og var valinn besti sóknarmaður ACC-deildarinnar.

Hann var valinn númer fjögur af Houston Dynamo. Liðið endaði í neðsta sæti vesturdeildarinnar á síðustu leiktíð og skoraði næst fæst mörk.

Það verður gaman að fylgjast með honum í MLS, en sérfræðingar í kringum nýliðavalið líktu Þorleifi við Emile nokkurn Heskey þegar hann var valinn. Heskey var sterkur sóknarmaður sem spilaði meðal annars fyrir Liverpool og enska landsliðið á sínum ferli. Svo sannarlega áhugaverður samanburður.

Þorleifur hefur verið á mála hjá Breiðabliki, Augnabliki og Víkingi Ólafsvík hér á landi. Núna mun hann reyna fyrir sér í MLS-deildinni.

Ben Bender var valinn númer eitt í nýliðavalinu og fer hann til Charlotte FC. Bender, sem er miðjumaður, lék með Maryland háskólanum. Honum var líkt við Kevin de Bruyne, miðjumann Manchester City.

Líkt við Emile Heskey og auðvitað spurður hvort það væri ekki of heitt í Texas fyrir Íslendinginn 😂 Kaninn er krútt en þetta er skemmtilegt breyta í íslenskum fótbolta. Best er hvað MLS er með tryllta viðveru á samfélagsmiðlum þannig auðvelt verður að fylgjast með. pic.twitter.com/cE2k8w1jEs

— Tómas Þór Þórðarson (@tomthordarson) January 11, 2022

Jájá @hrafnkellfreyr sérfræðingarnir í MLS draftinu líktu Thor bara við Emile Heskey…sú líkingin

— Guðlaugur Valgeirsson (@GulliValgeirs) January 11, 2022