Spánn: Lengsta hrina án sigurs í sögu deildarinnar

Almeria hefur sett met í spænsku deildinni sem enginn vill eiga en liðið hefur ekki unnið í 27 leikjum í röð en síðasti sigur liðsins kom í maí á síðasta ári.

Almeria er á botni deildarinnar með sjö stig þegar 14 leikir eru eftir en Derby á metið yfir fæst stig á einu tímabili í öllum stærstu deildum Evrópu þegar liðið náði aðeins í ellefu stig árið 2008.

Almeria fékk Bilbao í heimsókn í kvöld en leiknum lauk með markalausu jafntefli.

Largie Ramazani leikmaður Almeria nældi sér í sitt annað gula spjald og þar með rautt þegar tæpar tíu mínútur voru liðnar af síðari hálfleik en Bilbao tókst ekki að nýta sér liðsmuninn.