29. umferð þýska deildartímabilsins hefst í dag þegar Augsburg og Union Berlin eigast við í áhugaverðum slag.
Augsburg er í harðri baráttu um síðasta Evrópusætið á meðan Union Berlin er sex stigum fyrir ofan fallsæti eftir að hafa verið í fallbaráttu allt tímabilið.
Á morgun mæta ríkjandi Þýskalandsmeistarar FC Bayern til leiks gegn fallbaráttuliði Köln en meistararnir eru búnir að tapa tveimur leikjum í röð og eiga í hættu á að missa annað sæti deildarinnar til Stuttgart.
RB Leipzig og Borussia Dortmund eru í mikilli baráttu um fjórða sæti deildarinnar og eru jöfn á stigum sem stendur. Leipzig tekur á móti Wolfsburg á morgun á meðan Dortmund heimsækir Borussia Mönchengladbach í hörku leikjum.
Stuttgart tekur á móti Eintracht Frankfurt í spennandi slag í lokaleik morgundagsins og svo eru tveir leikir á dagskrá á sunnudeginum, þar sem Bayer Leverkusen getur tryggt sinn fyrsta Þýskalandsmeistaratitil í sögunni með sigri gegn Werder Bremen. Liðið hefur fimm sinnum endað í öðru sæti deildarinnar en aldrei tekist að hampa titlinum. Þá hefur Leverkusen sex sinnum endað í þriðja sæti deildarinnar.
Leverkusen er búið að eiga magnað tímabil og er liðið enn taplaust í öllum keppnum. Lærisveinar Xabi Alonso eru með sextán stiga forystu á toppi deildarinnar sem stendur, þegar sex umferðir eru eftir af deildartímabilinu.
Leverkusen gæti einnig tryggt sér titilinn á morgun ef Bayern tapar óvænt á heimavelli gegn Köln.
Föstudagur:
18:30 Augsburg - Union Berlin
Laugardagur:
13:30 Bayern - Köln
13:30 RB Leipzig - Wolfsburg
13:30 Mainz - Hoffenheim
13:30 Gladbach - Dortmund
13:30 Bochum - Heidenheim
16:30 Stuttgart - Eintracht Frankfurt
Sunnudagur:
13:30 Darmstadt - Freiburg
15:30 Leverkusen - Werder Bremen
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 10 | 9 | 1 | 0 | 35 | 6 | +29 | 28 |
| 2 | RB Leipzig | 10 | 7 | 1 | 2 | 20 | 13 | +7 | 22 |
| 3 | Dortmund | 10 | 6 | 3 | 1 | 16 | 7 | +9 | 21 |
| 4 | Leverkusen | 10 | 6 | 2 | 2 | 24 | 14 | +10 | 20 |
| 5 | Hoffenheim | 10 | 6 | 1 | 3 | 21 | 16 | +5 | 19 |
| 6 | Stuttgart | 9 | 6 | 0 | 3 | 14 | 10 | +4 | 18 |
| 7 | Werder | 10 | 4 | 3 | 3 | 15 | 18 | -3 | 15 |
| 8 | Eintracht Frankfurt | 9 | 4 | 2 | 3 | 22 | 19 | +3 | 14 |
| 9 | Köln | 10 | 4 | 2 | 4 | 17 | 15 | +2 | 14 |
| 10 | Union Berlin | 10 | 3 | 3 | 4 | 13 | 17 | -4 | 12 |
| 11 | Freiburg | 9 | 2 | 4 | 3 | 11 | 13 | -2 | 10 |
| 12 | Gladbach | 10 | 2 | 3 | 5 | 13 | 19 | -6 | 9 |
| 13 | Hamburger | 10 | 2 | 3 | 5 | 9 | 16 | -7 | 9 |
| 14 | Wolfsburg | 10 | 2 | 2 | 6 | 12 | 18 | -6 | 8 |
| 15 | Augsburg | 9 | 2 | 1 | 6 | 12 | 21 | -9 | 7 |
| 16 | St. Pauli | 9 | 2 | 1 | 6 | 8 | 18 | -10 | 7 |
| 17 | Mainz | 9 | 1 | 2 | 6 | 10 | 17 | -7 | 5 |
| 18 | Heidenheim | 10 | 1 | 2 | 7 | 8 | 23 | -15 | 5 |
Athugasemdir
