Ingibjörg Sigurðardóttir var hetja Vålerenga í endurkomusigri á Røa í norsku úrvalsdeildinni núna áðan.
Røa komst yfir í fyrri hálfleiknum og staðan í hálfleik var 1-0. Vålerenga mættu tvíefldar í seinni hálfleikinn og jöfnuðu metin á 52. mínútu.
Það var svo í uppbótartímanum þar sem Ingibjörg skoraði sigurmarkið. Dramatískt var það, en það er oft skemmtilegast.
Þetta er annað markið sem Ingibjörg skorar fyrir Vålerenga í norsku úrvalsdeildinni. Hún gekk í raðir félagsins fyrir tímabilið frá Djurgården í Svíþjóð.
Ingibjörg er 22 ára gömul og á 30 A-landsleiki að baki. Hún er varnarmaður og getur bæði leikið sem miðvörður og bakvörður.
90 min. MÅL! VI HAR SNUDD KAMPEN! Dølvik legger inn og Ingibjørg Sigurdardottir står på bakerste og feier ballen i nettaket. Deilig! 1-2
— Vålerenga Fotball Damer (@VIFDamer) August 12, 2020
Athugasemdir