fim 12. nóvember 2020 08:30
Sæbjörn Þór Þórbergsson Steinke
Ter Stegen framlengir við Barca (Staðfest) - 500 milljóna ákvæði
Mynd: Getty Images
Marc-Andre ter Stegen er búinn að skrifa undir nýjan fimm ára samning við Barcelona. Samningurinn rennur út sumarið 2025.

„Ég vil spila á Nývangi í mörg ár í viðbót og halda áfram að vinna titla," sagði þýski markvörðurinn í myndbandi sem birt var á Twitter-reikningi félagsins.

Ter Stegen hefur unnið deildina fjórum sinnum, Konungsbikarinn fjórum sinnum og Meistaradeildina einu sinni síðan hann gekk í raðir Barca sumarið 2014.

Í samningi Ter Stegen er ákvæði sem segir að markvörðurinn geti yfirgefið félagi ef tilboð berst í hann upp á 500 milljónir evra (445 milljónir punda).
Athugasemdir
banner
banner
banner
banner