banner
   lau 13. febrúar 2021 06:00
Aksentije Milisic
Lasse Schone til Heerenveen (Staðfest)
Mynd: Getty Images
Lasse Schone hefur gengið til liðs við hollenska liðið Heerenveen en hann hefur verið án félags síðan hann yfirgaf Genoa í vetur.

Schone er 34 ára Dani en hann kom til Genoa frá Ajax árið 2019 og spilaði 34 leiki fyrir félagið á Ítalíu. Hann hafði mikið verið orðaður við Cagliari en nú er ljóst að hann er mættur til Hollands.

Hann hefur verið að æfa með Ajax síðan hann yfirgaf Genoa en hann var á mála hjá Heerenveen sem unglingur. Hann skrifaði undir samning sem gildir út þetta tímabil.

Schone á að baki 50 leiki fyrir Danmörk og hefur hann skorað þrjú mörk í þeim leikjum.
Athugasemdir
banner
banner
banner