Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 13. september 2020 07:00
Ívan Guðjón Baldursson
Mounie og Celina seldir til Frakklands (Staðfest)
Mynd: Getty Images
Mynd: Getty Images
Steve Mounié og Bersant Celina hafa báðir verið seldir úr Championship deildinni yfir til Frakklands.

Mounié gengur í raðir Brest eftir þrjú ár hjá Huddersfield, þar sem hann skoraði 19 mörk í 95 leikjum.

Mounié verður 26 ára í lok september og er lykilmaður í landsliði Benín. Brest greiðir fimm milljónir evra fyrir sóknarmanninn, sem kostaði Huddersfield þrettán milljónir á sínum tíma.

Þá er miðjumaðurinn Bersant Celina genginn til liðs við Rúnar Alex Rúnarsson og félaga í Dijon.

Celina er 24 ára og borgar Dijon þrjár milljónir evra fyrir hann. Celina hefur verið hjá Swansea í tvö ár en þar áður dvaldi hann hjá Manchester City í sex ár.

Celina var mikilvægur hlekkur í liði Swansea og sýndi Graham Potter, stjóri Brighton, honum áhuga á dögunum.

Celina lék 77 leiki á tveimur árum hjá Swansea og er hann lykilmaður í landsliði Kósovó.
Athugasemdir
banner
banner
banner
banner