Spánn: Valladolid vann baráttu botnliðanna

Valladolid og Valencia áttust við í spænsku deildinni í kvöld en þetta eru tvö neðstu lið deildarinnar.

Anuar skoraði eina mark leiksins fyrir Valladolid þegar hann nýtti sér vandræðagang í vörn Valencia. Það var eina skotið sem Valladolid átti á markið en Valencia nýtti svo sannarlega ekki yfirburðina.

Juanmi Latasa, sóknarmaður Valladolid, var aðeinis búinn að vera inn á í sjö mínútur þegar hann gaf Cesar Tarrega olnbogaskot í bringuna og fékk að launum rautt spjald.

Valencia hefur tapað þremur leikjum í röð og er komið á botn deildarinnar en Valladolid er tveimur stigum á undan en hefur spilað tveimur leiikjum meira.